Lvaz (A. Abdenour, 1992)

Ḍefreɣ lbaz s wallen
Win i kem iwwin
Alammi yeɛreq dayen
Felli ur d-ittbin
Lbaz nni irfed-ikem
A tarwiḥt-iw
Telliḍ yidi yekkes-ikem
Si ger ifassen-iw
Iruḥ yides yewwi-kem
Izza-yi ul-iw
Yegra-yi-d ṣṣut-inem
Deg meẓẓuɣen-iw
Ttwehhiɣ-am s ufus-iw
Imi tqelɛeḍ
Nek ffreɣ imeṭṭawen-iw
Ur teffireḍ
Ttwaliɣ-kem ger wallen-iw
Tettebɛideḍ
Ad truḥeḍ a taḥawact-iw
A yi-teǧǧeḍ
Lbaz yufeg ur d-iban
Yerwel felli
Yeǧǧa-d lweḥc alqayan
Ixneq-iyi
Mennaɣ yidem a w’iddan
Yidem ad y-yawi
Ur d -ttegriɣ i wurfan
Am zikenni
Nemseɣ di sin tannumi
D tdukli ifadden
Nettayes ar nemwali
Ulawen twennsen
Assa weḥdem nek weḥdi
Ussan fukken
Tamdint anda nettcali
Fellam teḥzen
Ḍefreɣ lcar s wallen
Win i kem iwwin
Alammi yeɛreq dayen
Felli ur d-ittbin