Ul-im zeddigen am aman
Iḥuss tettaruḍ
Nessarem-am ussan yelhan
Ur m-nettanef ad truḍ
A tala nneɣ zeddigen
G i neswa ma neffud
A taɣect i daɣ-d-iffɣen
Si ṭṭlam n wakud
Γer wayen εzizen tcuddeḍ-aɣ-d
S ifadden iǧehden
Deg-m nugem s waṭas yidneɣ
G lfenn icebḥen
d « azwaw s umendil awraɣ»
Neɣ d ayen nniḍen
Amkan-im g yidles nneɣ
D amkan εlayen
Nna Crifa tucbiḥ n lqedd
A lwerḍ n lyasmin
S taɣect-im ur nesεi ḥedd
Tcebbḥeḍ tudrin
F uqedim n lqedm tcewqeḍ-d
F in ur nettissin
Am drar nneɣ tettakked-d
Ddwa i umuḍin
Tenǧreḍ-aɣ-d abrid yeṣfa
Nekni neṭṭafar
Ur ttnuɣnay a nna Crifa
Lfenn-im meqqer
D alqayan deg-s nufa
Later d waẓar
Teεzizeḍ nessarem-am lehna
D tuɣẓi nleεmer
Amour Abdenour
http://www.youtube.com/watch?v=ctt8buIQuvE